$$ طهــــاقة منتديات الراب الليبي $$

السلام على الاعضاء

دوغري في الموضوع

المنتديات من الاخير كثرن وبقت سماطة يعني

قلنا منتدى راب ليبي كبير واحد تمام >> زادو منتدى

قلنا منتدى كبير وواحد متوسط عادي تمام >> زادو منتديين

قلنا واحد كبير او واحد اصغر شوية واثنين صغيرات معجنات اوكي تمام >> زادو 10

... الخ

قصدي منتىد واحد خيره


لو كل واحد يبي يدير منتدى تسمط الحكاية


وهذا الي صار .: الي لقا دورت المنتدى المجاني ساهلة بضغطة زر + الي لقا عنده فلوس ومش لاقي مايدير بيهن قال ندير منتدى بفلووس + الي ماعجباتش طريقة ادارة منتدى قال ندير واحد خاص بيا ونفشك بيه

في كل لحظة يطلع منتدى من الاخير

لو حطيتو مواهبكم وقدراتكم في منتدى واحد حتشوفو كيف كلنا نستفيدو

ومن الاخير المنتدى هذا راب فور ليبببيا الي نحنا فيه توا قديم وفيه اربعطاشر الف عضو والرابرز الليبيين الجدد وقبلهم القدم كلهم مسجلين فيه

مفروض كلنا مع بعضنا نقيموه وهكي كلنا نستفيدو

انا ماكتبتش الموضوع هذا لاني حاقد علي ادارات المنتيات الجدد التانيات

ولا لاني نفضل عليهم ديجي سيلني رغم انه راجل طيب وداير الي عليه واكثر

انا كتبت الموضوع عشان مانبيش الحكاية تسمط اكثر من هكي

شكرا موضوع رائع لكن ما باليد حيله سلام يا مان

مشكورين علـ ردود

شكلك تدوي علي المنتديات المجانيه من غير فلوس

كلامك مزبوط مية المية

لكن مافيش فرق بين منتدى مجاني ومنتدى بفلوس الا بالادارة وطريقتها وبالاعضاء

وفيفا راب فور ليبيا المنتدى الاول

يا راجل شنو هى حاطينك (مدير المنتديات فى الجماهيرية) ؟؟؟

تى فوووووت كل واحد حر ايدير منتدى حتى له هو بس, حتى انا داير منتدى شنو فيها؟

المشكلة هى اللى ايدير منتدى وايفوته معاش ايحسن منه

وانا انفكر اندير منتدى بالفلوس بس الحكاية مكلفة واجد

يعنى حرام مواقع الراب العربية بالفلوس ونحنا مواقعنا اتكون مجانية

يعنى حتى ولو الاعضاء واجدين بس لما ايجى واحد رابر عربى ايخش ايقول

بلااااا الليبين هذوما شكلهم رقاد ارياح بكل

المهم انت اصلا شنو دخلك فيها القصة هذه , حسستنى انك السيلينى نفسه

تى فوووت يا راجل وما اتعدلش

في منتديات تلقا فيه الحصري وفي المنتديات الي راقده

وانتا اختار يعني دور وهيج وعيش حياتك داخل الانترنت

بيس يامان

سلام

القنكم زوامل

Libyan Hustler كتب:

القنكم زوامل

ولله ما اتحشم علي وجك!!!