شباب المختار (الضَرْبَة)

السلام عليكم :
كيف حالكم شباب راب4ليبيا.
طبعا انا عارف انه الموضوع مش مكان الموقع من اساسه بس لازم تشوفوه لانكم شباب
والشئ هذا يهمكم وان شاء الله يعجبكم .
طبعا من منا مايعرفش المناضل الكوبي جيفارا اكيد الكل يعرفه وزي ماتعرفوا انه في تي شيرتات مرسوم
عليها صورة جيفارا.
فخطرت في بالي فكرة انا والشباب انه ليش مانديروش تي شيرت عليه صورة شيخ الشهداء:
"عمر المختار".
توكلنا على الله ودرنا اول تي شيرت عليه صورة عمر المختار
طبعا في بعض المشاكل واجهتنا في صنع التي شيرت :اولها انه المطابع في ليبيا مش بالجودة المطلوبة
يعني مافيش من يطبع على تي شيرت بجودة قوية - ثاني شئ انه صور شيخ الشهداء :"عمر المختار
مش متوفرة يعني اغلب الصور مش واضحة .وان شاء الله نكونوا درنا حاجة تعجبكم وتنتشر في ليبيا كلها.
سلامات وتوا نخليكم مع الصورة.
{الضَرْبَة 2009}

[ندعوك للتسجيل في المنتدى أو التعريف بنفسك لمعاينة هذه الصورة]

صحة ليكم
رجالة

و رب الكعبة الا تريس
حلوة الفكرة هكي نبو شبابنا
منورين يا تريس بلادنا

الله يخليكم يا ولاد هذا واجبنا تجاه الشيخ عمر المختار .
ان شاء الله عجبتكم الفكرة.

والله تصفيقة كبيرة على الفكرة وعلى المجهود
منوور يا بروو

شكرا ليك يا خوي C Note
صحيت على مرورك.

هذا الصح يا اسامة انت طبعا الشاب الثالث من جهة اليسار فى الصورة صح؟؟؟

والله الا كل واحد فيكم اصلي وراجل

منورين

لكن الفكرة تحتاج تطوير عشان تكون في نفس مستوى تي شرت جيفارا او اي تي شرت عليها صورة مناضل

يعني مثلا صورة وجه عمر المختار لو كانت بالجنب زي الي عندكم انتو

مفروض ماتنحطش في النص . يعني تحطوها مثلا علي الصدر يعني مثلا تكون فوق شوية وعلي اليسار او علي اليمين وتقدرو تاخدو الفكرة من تي شرت تانية عليها صورة شخصية مهمة

وياريت لو تكون عليها كتيبة بالانجليزي

هكي حتكون اقوى

تريس والله مشاءالله عليكم

والله يا هكي التفكير يا بلاش

وياريت في يوم نشوفو شركة ملابس تطبق فكرتكم وتنتج ماليات عليهن صورة عمر المختار بدال مانا قاعدين نستوردو في ماليات عليهن صور شخصيات اجنبية مانعرفوش حتى ملتهم

منور ياخوي انت والشباب والله فكرة اقوية بكل

لكن شن ريك انتكون الصورة اكبر شوية وتكون مكتوب علية بي اللغة الجنبية

وفي الخلف تكون في كتابة ايضن بي الخط الصغير يعني التريخ من اول المعرك الي شنق عمر المختار

فكر في الفكرة وصمم وحدة وجرب خوي

منور يامان على الفكرة الجميلة Good man

والله مانك عادي ياصقع

وانا عندي كل مايدعم المشروع هذا ..بس المشكلة اني في بنغازي
يعني هيجوا يابناغزا
وان شاء الله قريبا في ليبيا كلها وفي جميع انحاء العالم
ولو تحتاج اي شي يا اسامة كلمني ومايهمك شي وماينقصك شي

مشكورين علي مجهودكم وافكاركم الي حتفيد الليبيين وحترفع راسهم

وياريتك ياحمزاوي تساعد في المشروع هاذا زي ما قلت

منورين على ردودكم الرائعة .وشكرا لأستجابتكم معانا.
ارائكم حلوة يا خوتي.بس مش هنا المشكلة .
اول شئ :زي ماقلتلكم انه مافيش من يطبع بجودة قوية والشئ
هذا مازال ماانتشر في ليبيا :يعني مافيش من يطبع على تي شيرتات
.والفكرة رح نطوروا فيها وان شاء الله رح تشوفوا حاجة على مستوى
قوي وجديد .لان التي شيرت هذا كان بداية فقط :يعني كنت
نجس في النبض :في تجاوب مع الناس او لا .
لاكن الحمد لله .زي ماكنت نحب وكنت نبي .
واحنا ناوين انه الكتابة رح تكون بالعربي مش بالانجليزي .
وترقبوا التي شيرت الجديد

وزي ماتعرفوا انه عمر المختار ماعنداش صور واجد
واغلب الصور مش واضحة .وهذا الشئ اللي خلانا انديروا الصورة
صغيرة شوي......
وهذي شوية صور اخرى للقروب

[ندعوك للتسجيل في المنتدى أو التعريف بنفسك لمعاينة هذه الصورة]

سلامات

نحييك علي الفكره والله الا راجل ... و بنسأل باهي لو نبي وحده نحصل ولا لا

الله يخليك يا اختي .بارك الله فيك وشكرا على ردك الجميل .
رح نرد عليك بكرا

رجاله والله

بش اصورة عمر المختار كنتو خليتوها كبيره شوي

منور يا خوي على ردك .

مشاء الله علي التفكير الجميل ربي يعطيكم الف عافيه يا خويه
مشكور واجد والله وربي يحفظكم
تقبل تحياتي و الدعم ليكم بفن الراب

والله فكرة جميلة mhaeg

Crash كتب:: الله يخليك يا اختي .بارك الله فيك وشكرا على ردك الجميل .
رح نرد عليك بكرا

يا ريت حتي انا اترد علي لان نبي وحده

منورين على ردودكم .وشكرا لتشجيعكم .وان شاء الله قريب رح تشوفوا حاجة اقوى .