Edaned - ft. Majorey unit - ++ هيا يا أمة ++

الحصار مازال

حتى لو القصف وقف

نحن معاهم

..

edaned ft. majorey unit
[ندعوك للتسجيل في المنتدى أو التعريف بنفسك لمعاينة هذا الرابط]

الكلمات

[انترو]

هئـ تي غير علي من ؟ ضحكتو علي ناس دايرا روحها تحلم
من صدقكم ؟ الناس الي قتلتوهم ولادهم مانزلوش العلم
العلم مرفوع وجيشكم انهزم, العلم مرفوع في السما والنصر جا
من حماس مش من العدم .. تبرروا في قتل الاطفال بيهودي انئسر
باهي شوفوا اسرانا كم, اسرانا بالملايين عندكم ..

[الفايرس 1]

قولولي وين اوراق هالقضية العربية, في المباني ورا الكراسي الذهبية؟
ولا في مجلس محو الهوية بين انياب الذيب الامريكي ولا في جوف الافعى اليهودية؟
في الثمانية واربعين جونا احتلونا استعمرونا غزونا كلمتين حفظونا,نحن ارهابية !
تي فكونا من الطروح يعني الدفاع عن الوطن بقا من الممنوع وقتل الابرياء عنكم مسموح
زي ماتقتلولنا في الاطفال والنساء والشيوخ .. خلاص

ياما بلدانا انهانن لسنين ايام وايام لكن كراسي الرئساء ما في يوم تحركن غير كلام في كلام
هذي هي حالة غالبية الحكام قدام لقدام, ورا امريكا واليهود انتهكوا كل حقوق الانسان
تي من منهم كان يتوقع ان فلسطين حتقاوم بشموخ ؟
ارواحها ترقا روح ورا روح مش حتوقف طلوع
في عدوان 2009 علي غزة في 5 ايام 400 شهيد
كيف تراجوا في ايقاف النار والعدو في كل لحظة قاعد يبيد

[الكورس]

هيا يا أمة .. قبل ما تطفا الشمعة
هيا يا أمة .. قبل ما تجف الدمعة
هيا يا أمة .. هيا يا أمة
تخاذل الحكام مش نافعنا

[الفايرس 2]

وطن في حمام دم غرق والمطر ما قدرتش تغسل الدم
مسجد بالامام بكل انحرق بنوه تاني جاه صاروخ انهدم
مش حرب في فرق هذي ابادة شوفوا شهدائكم كم
وينكم يا عرب ؟ معقولة ياهو حدود تمنعكم ؟
هيا نحسبوها 20 دولة عربية لو توحدن
عندكم ذرة شك في النصر هل دول الغرب في يوم حيلحقن ؟
تي غير يا هو من حيصدق ان امريكا الاقوى في هالزمن ؟
هذوما العرب اتحدوا, والامة العربية بقت ون أمة ون !

زمان اجدادنا اخترعوا الصفر ونحن توا بقينا اصفار
سلمنا ارواحنا لهم علي طبق من ذهب هذا هو بالضبط الي صار
بكل بساطة السماطة بقت حناطة,و الحكمة بقت عباطة,والي في يده القرار, كذاب خوان منافق بهبار
من داري في بنغازي, نقول لعباس استقيل فيش تراجي
يعني توا علي اولمرت, ليفني, ايهود باراك يوقفوا الحرب عابي
هذا خوف ولا عقل فاضي, كيف حتتحرر فلسطين لو رئيسها راضي
كيف تبي سلام مع اليهود ؟ شكلك نسيت الماضي ! .. shit

[الكورس]

هيا يا أمة .. قبل ما تطفا الشمعة
هيا يا أمة .. قبل ما تجف الدمعة
هيا يا أمة .. هيا يا أمة
تخاذل الحكام مش نافعنا

[الفايرس 3]

جاهد يا فلسطيني كمل المسيرة, اقتل اليهودي قبل ما ينفذ غايته الحقيرة
الضربات الصغار لما يكثرن يبقن بقوة ضربة وحدة كبيرة
لو ماقدرتوش تطلعوهم اقتلوهم خلوا عندكم علي الاقصى غيرة
وريني اي عربي او مسلم شاف صور الاطفال يموتوا ما بكا
انا بروحي بكيت, لما شفت النساء والاطفال يعيطوا, اهان
الشعب العربي كله, لكن مش عذر انه مكتف من الحكام
وين جيوش مصر والسعودية والدول الكبار وين البلدان ؟

الطيارات الحربية والاسلحة الغرض منهن ماهوش العروض
باهي يا قادة كان بقيتوا داسينهن في الحروب, امتى بيطلعوا ؟
لما الوقت يفوت ؟ خلاص دسوهن علي من بتدافعوا !
مفروض طلعتوهن من قبل ما الشعب الفلسطيني كله يموت ..
مانشوفوا غير في تصبير في تبرير بني حدود نهي موجود سلام مسدود كلام يهود صار العار
امتى الوحدة العالم كله عرف وحشية اسرائيل فيش تراجوا
حتستمروا في التأجيل لين ينفخ اسرافيل وانتوا تراجوا ؟

[الكورس]

هيا يا أمة .. قبل ما تطفا الشمعة
هيا يا أمة .. قبل ما تجف الدمعة
هيا يا أمة .. هيا يا أمة
تخاذل الحكام مش نافعنا

very good

منور مان

شكرا لك أخي علي الموضوع الرائع

صحيت ليك عليه
على الموضوع الرئع
ومشكور
ليك مني تحيااااتي
الميدا
ناااار
اكيدة
معااااه
دوخااااان
وحشومة
انفيجاااااار

very naic

احسن بعد keep it up

LIBYA

اغنية كاملة من الاخير

كلمات خيال

اداء وعر

فكرة مش عادية مش زي باقي الاغاني الي غنت نفس الموضوع

الماجوري يونت معانا في الساحة توا

اقوى عليهم يا ايدي

الماجوري يونت معانا في الساحة توا

اقوى عليهم يا ايدي

منور يا راص

منور يا زعيم

اغنية عشرة على عشرة يا بوس

تمام ... منورين ياشباب..واصلوا التقدم LIBYA

i love it . just keep your head up and keep going

تحية لكي وللقروب الي معاك علي الابداع يا بوس

راي اني المشي على اللحن ضعيف للمليون
و التسجيل ممممممم مش ولا بد
الكورسات يبو هلبا شغل
كلام حلو للمليون و يخليك تحس بي الموضوع
بس الفلو ضعيف
لكن مع الايام انشالله يصير خير
ياريت تاخد مني النصايح و متزعلش مني لاني اني نحب نقول الصراحه
منور ع الاغنيه سي يو

صحيت و الله اغنيه olصقعco

نبو واجد

تشاوين الي ربع

نراجو في جديدك

نراجو في جديدك