فيديو مقابلة D.O.A & Lil 'Allem

لما تبي تحاور يا أخ بريك يا ريت تفكر في كلامك قبل ماتقوله و تعرف روحك شن تبي تقول
أولا العالم قال مانغنيش في انجليزي و اني عقبت علي كلامه و قلت اني نغني في انجليزي ومنه هادف
و بالنسبة للحاجات اللي مافيش منهم ياريت تقول عليها بش لو انه انت تحساب مافيش منهم خلي نأكدولك و نبرهنولك انها صح و اني ماعندي علاش بنكدب

و مشكور خوي تفجير بس الناس ماتشبحلكش بيه هذا كله
مايعرفوش انه اصحاب الشركات الفنية الليبية كانت خايفة غير لما البومي جاب مردود قوي انفتح سريب الراب في السوق و بالنسبة للصحافة و الإعلام كانوا يعرفوه هما الجو هذا امنة لكل الرابرية بينك و بين نفسك فكر من اللي دار جو الإعلام و الصحافة في الراب مش فخرة ولا جميل بس مجرد تذكير و الحمد لله الناس كلها بدت مقتنعة اني واجهة الراب الليبي في ليبيا و خارجها

اوكي يا مان انا ما قلت شيء لكن نبي نقولك حاجة اخره

بينك و بين نفسك كم اعطوك فلوس مليون هيا صح الحمد لله على كل حال لكن معقوله بتطع مقابله في صالحك وبيعطوك عليها فلوس و في ليبيا ماصارش الكلام هضا بكل نا مش مكدبك لكن والله جو الاعلام في ليبيا كلام فارغ مش حيستفيدوا من وراك

وبالنسبة للي فيديو....عندك الحق اتقول بيديرولي فيديو كليب..... لانهم بكره ولا بعد بكره بيقولوا نحنا للي طلعنه الفنان هدا.....وانت تقول بجدارتك و هما يقولوا نحنا للي درنالك الفيديو.........
وصدقني يا خوي..........الراب مستحيلة الراب يدعمه الاعلام و لا الدولة الراب يدعمه جمهوره وتفاعله

انت قلت نقلت للميديا الليبية و جو هضا

راهو اول واحد نزل البوم راب ليبي في الاسواق "براون شقر"

المهم شوف روحك يا خوي وزايدة معاك وسامحني كان غلطت

ههههه والله انك انسان مريض وصدقت روحك يا ميقوووو اني نقولك حاجة انت الي تدير فيه كله لنفسك

يعني بتطلع علي قناة الشبابية وتحكي عن روحك وتبقى تكذب وتقول انك قديم هلبة وتخلي المذيع يقول انك ملك الراب الليبي وتجيب معاك اصحابك يطلعو علي القناة ماشي توا نبيك تقولي هذا كيف فاد الراب الليبي

عارف امتى تكون افدت الراب الليبي

لما تكون رابر مشهور وعندك جمهور ويديرو معاك مقابلة لانك تستحقها مش لان عندك واسطة

بس العكس صاير انك جديد ماسمعناش بيك الا السنة اهيا لما درت البوم وطلعت علي التلفزيون بواسطة عشان يخلو الناس تعرفك

لكن صدقني مش حتنجح طول مافي رابرية يشتغلو بعرقهم ماعندهمش واسطة ولا حد يدعمهم والمشكلة انهم اقدم منك بهلبة هذوما يستحقو انهم يطلعو علي التلفزيون وجمهورهم يتمنى يشوفهم لايف

بعدين انسى الموضوع اهوا وخلينا نركزو علي نقطة ثانية

حتى لو كان كلامك مزوبط وانك لما تطلع علي التلفزيون وتنفخ في روحك هكي حتنشر الراب الليبي

ياسيدي اني نقولك انك بالطريقة اهيا تنشر في راب تريبولي بس واني من طرابلس لكن مانحبش العنصرية بوكل

يعني في رايي رابرية بنغازي الي نعرفوهم حتى هم يستحقو يطلعو علتلفزيون ولا عندك راي تاني ؟

الحمد لله المبلغ اللي عطهولي مبلغ محترم يليق بفنان راب ليبي و بعدين من قالك المقابلة في صالحي المقابلة في صالحهم هما فنان راب ليبي مشهور لما يطلع ع الشاشة يتفرجوا عليه جمهوره و يكثرلهم من عدد المشاهدين معنها هما اللي يبوا الفائدة مني و تقدر تعتبرها فائدة مشتركة مع الأولوية

بالنسبة للفيديو مايحملش شعار تصوير الشبابية ولا عقد بيني و بينهم غير اسم الفنان و الأغنية و المصورين والمخرج إلخ...
يعني ما فيش من يتجمل عليا

و بالنسبة لمن يدعم الراب تقدر ترجع لبداية الموضوع و تشوف شن كاتب فوق بس ماننسوش دور الإعلام و الصحافة

شني كنا رح نعرفوا امينم ولا السنوب ولا حد من المشهورين من غير إعلام

نجو لأخر شق في حوارك كلامك ع العين و الراس بس يا صديقي البراون صح مداير البوم قبلي و هلبا رابرية مدايرين البومات بس مانزلوهمش للسوق البراون باع لشركة ليبية في عين زارة بس الألبوم ماطلعش منعوه قبل حتى ما ينزل في السوق و بما انه البومي تم طرحه في السوق يعني اول البوم راب ليبي مع احترامي للناس اللي حاولت و فشلت و السبب هو عدم تفهم الناس هذي لأصول الراب و لو كانوا يعرفوا انه اصوله افريقية و الفن هذا لينا راهم غنوا عربي و نزل البومهم للسوق لكن الله غالب جاهم شريط من مدير الشركة فرحوا بيه و فتحوه لقو مكتوب فيه حظ اوفر المرة القادمة

خوي بريك اني سبق و قلتلك لما تبي تحاورني فكر قبل ماتناقشني اولا اني حلمت و احلامي بديت نقق فيها و مش عيب ان الواحد يحلم
ثانيا لو اني اني نكذب ربي يحاسبني مش انت ولا الف واحد غيرك و بالنسبة لبدايتي في الراب الناس المقربة مني هي اللي تعرف امتا بديت و بالنسبة للمذيع تقدر تشوف الرد علي سليني و تفهم و نجوا توا لصحابي نقولهالك بالعربي اني ماعنديش صحاب بكل كلهم صحبة فن و نقوللهم فيها في وجووهم

توا خلي نتكلموا ع الشهرة و الجمهور اني مانكدبش عليك نقولك مانبيش لا الشهرة ولا الجمهور بس حب الجمهور ليا و استماعهم الدائم هما اللي اثاروا فضول اذاعة الشبابية و خلوهم يستدعوني

نجول ليك انت كيف ماسمعتش بيا هلبا يقولولي حني كنا نشوفو في مواضيعك و مانخشوش ولا نحملوا في اغانيك لأنه نحسابوك كيف الرابرية الثانيين و توا الحمد لله كسبتهم بعد ماعرفوني و لو انك انت مش من الفئة هذي معناها انت غير متتبع لساحة فن الراب الليبي و الواصطة لو انك انت اللي توصتتلي قولي بالك انت متكلم عليا و اني ماعنديش علم خلي نشكرك اقل مافيها

النجاح - مشوار كبير و سبق اني بديت فيه و الحمد لله و بالنسبة للرابرية الثانين اني مالياش علاقة فيهم فيه مرة تكلمت علي واحد منهم صح يمكن هما ليهم هلبا في الراب الليبي بس مع احترامي مايفكروش مش اذكياء كان هذا راهو دارو اللي درته اني من قبل

نجو لنقطتك الثانية اني لما طلعت نتكلم قلت راب ليبي ماقلتش راب طرابلس و اني عندي طرابلس و بنغازي واحد ماعنديش فرق بينهم و اتهامك ليا بالعنصرية غلط كبير في حقي لأني أكثر انسان يقول لا للعنصرية

و بالنسبة للرابرية الثانيين يشتغلوا يبدعوا يلقوا جمهور يسمعلهم يطلعو بعدين ع التلفزيون اني مالياش علاقة بيهم بكل

احترامي ليك مع انك نعتتني (بالمريض - و العنصري)

من هضول ؟؟

هضولا Lil 'Alem & D.O.A

اقتباس :: ----
-
بفط النظر عن انك خليت المذيع يقول انك افضل رابر ليبي وان المذيع في الغالب مش حتكون عنده خلفية علرابرز الليبيين وانك قلت ان هذا راي الجمهور والدوة هذي مافيش منها اصلا ... الموذوع تو ينحط في البانر عشان الرقي بالراب الليبي ولأنه لو كان لأي رابر ثاني طلع علشبابية كان حينحط بانر

وياريت في المرات الجاية حاول انك تمسك لسانك وماتخريطش كلام مفيش منه يامان

بالتوفيق علي كل حال

يامتعدد شخضيات ياسليني او مش عرف شن سمك ربي

تعلم اللغة عربية قبل كلمة بغض نظر مش بفط و دوة جمهور فيه منه لانك انت مش عايش في ليبيا بس باش تقول مفيش جمهور راب ليبي و ياغبي موضوع مش موذوع

و مش انت تقول ليـ [ معمر ] امسك لسـانك و كلام يقول فيه في منهـ هذا اذا كانت تابع في راب مفيش و اذا تابع في روك اكيد

فيـ و هذه خرطة مني كان فهمت صـحـ

sb nine كتب:: وين هدي مربعتكم ههههههههههههههههههه
هضا فتوشوب ........

ياراس اللحم يالي اسمك رقم تسعة

ابعتلي فوتوشوب خلي ندير فيديو كليب فيسع نتسن في برنامج

بالله عليك ارسل في رابط [ندعوك للتسجيل في المنتدى أو التعريف بنفسك لمعاينة هذه الصورة]

تفي على محسدي

تي كيف راب بيتقدم و بيوصل هدفكم الى ناس ياجهل

معش بنزيد اكثر من هكي هلبا علىيك قدر طايح و سطلة و معش نبو نطيحووا

سلملم

أعوذ بلله من الشيطان الرجيم
بسم لله الرحمن الرحيم
قل أعوذ برب الفلق (1) من شر ما خلق (2) ومن شر غاسق إذا وقب(3)
ومنشر النفاثات في العقد (4) ومن شر حاسد إذا حسد (5)
صدق الله العظيم

أنشوف في فروخ حرام فيهم الرد علي الموضوع يالله قول باهي وخلاص يا معمر منور يا مان

الحسد كثر فى ساحة الراب الليبى مش عارف إعلاش
منور يا دى او ايه ويا ليل عالم منورين ومشكورين فعلا هاذو ناس تعبو
وقدمو حاجة اسمها راب ويستحقو أكثر من هكى
منورين وربى يحفظكم
بيس

استمر ياوحش وربى معاك

مفروض توقفو يد وحدة علاش كلام زايد
ومهما يكون رابر لازم توقفو معا وتساندو

قويه يامان صحا لكي والله

ون شاء الله ديما في الرقي

خط النار كتب:: أنشوف في فروخ حرام فيهم الرد علي الموضوع يالله قول باهي وخلاص يا معمر منور يا مان

على اشكون تتكلم يا قليل الادب.. انت مش صاحب الموضوع فقول رايك كيفك و كيف الناس الاخره و من غير ثرثرة

كل واحد عنده راييه الشخصي و يقوله باحترام

تخليتو فيها أحترام
أحترامى للبعض الناس
وحش البعض

تفجير كتب:: تخليتو فيها أحترام
أحترامى للبعض الناس
وحش البعض

اول حاجة انت من للي كلمك بكل
وثاني حاجة مش قلت رايك خلاص اقلب

انا سالت صاحب الموضوع و هو بارك الله فيه على المتابعه و الاستجواب معاي

اما الباقي منيش مدير منهم راس مال.....غير تكلموا باسلوب ولا اغلقوا الموضوع خير ميصؤر فيها جو العنصرية

سلاااااااااامي

صاحب العلة ... ينخصوه مرافقه

تي شنو الجو لي تديرو في اهلة هذا حسد راكب امكم والله ياخيه من الاخير انتم

و بعدين الفيديو حضرتة ع الشبابية والله عجبتوني بجد يا معمر و اصليبين والله

هكي يعرفو الليبي انة فيه راب لليبي لانة لي تجي تقولة راب ليبي يقولك من امتي يغنو همة تقولة فيه لي بدو من 2001 و 2002 مايصدقش و مشكورين يا عالم و يا معمر و انشالله نشوفو منكم حاجات جديدة

و كلا ع لي يقول لا تعليق ولا يقول مرتبك تي مرتبك ولا اي حاجة المهم هيا انة يوصل للشعب انة فيه فنانين يغنو في راب ليبي في ليبيا

و مشكور يا معمر و ارفع صبعك الثالث للاي حسدي و ديرلة اقتباس واكتبلة فاك

مشكورين شباب و بارك الله فيكم و ياريت نكونوا كلنا يد وحدة و الخير و الشر في كل مكان بس الواحد من الأعصاب مرات يدير حاجات غلط و بدل ما يكحلها يعميها و ان شاء الله نشرفوكم القدام

مشيها جرى انتا مفيكش جو بكل رد نفس زمان ودير ريمكسات مع لطفى .

يا عيل مش ماتحبنيش علاش بهي تخش و تتابع في اخباري و مواضيعي و ترد